Ghazal Siskian Leti Howi Ghamgeen Hawaon, Chup Raho

fatima hamid

fatima hamid

Well-Known Pakistani
Invalid Email
2
 
Messages
116
Reaction score
142
Points
116
Siskian Leti Howi Ghamgeen Hawaon, Chup Raho
So Rahain Hain Dard, In Ko Mat Jagao, Chup Raho

Raat Ka Pathar Na Pighlay Ga Shuaaon Ke Bagair
Subaah Honay Tak Na Bolo Ham Nawao, Chup Raho

Band Hain Sab Mai Kaday, Saaqi Banay Hain Mohtasib
Ay Garajti Goonjti Kaali Ghataaon,Chup Raho

Tum Ko Hai Maaloom Aakhir Kon Sa Mausam Hai Ye
Fasl-e-Gul Aanay Talak Ay Khushnawao, Chup Raho

Soch Ki Deewaar Se Lag Kar Hain Gham Baithay Howay
Dil Mein Bhi Naghma Na Koi Gungunao, Chup Raho

Chhat Gaye Haalaat Ke Baadal Tou Dekha Jaaye Ga
Waqt Se Phele Andhairay Mein Na Jao, Chup Raho

Kiun Shareek-e-Gham Banaatay Ho Kisi Ko Ay “Qateel” ?
Apni Sooli Apne Kaandhay Per Uthaao, Chup Raho
 

@Blue Moon @kuku20 @Twilight @Asad Rehman @fatima hamid @ali bukhari @Ali Akbar @I-sha @Sajjal @Twilight @Qazi Shoaib Rehman @Noor-e-Kainat @lizber @ruksana @Falak @misbah nadeem
 
Back
Top