Nazm Gehri gehri aankhon wali Pagal Larki!

Discussion in 'Urdu Nazm' started by ASAD76, Jan 10, 2012.

  1. ASAD76

    ASAD76 Well-Known Pakistani Staff Member Baby Names Staff

    Messages:
    590
    Likes Received:
    922
    surkh gulabon pey marti thi
    haath ko mehndi sey bharti thi
    Raat k gehray sunnatay men
    Tanha apni chat pey bethi
    Khoon e dil men qalam dabo kar
    Kuch nazmain, ghazlain likhti thi
    Chanda sey baatain karti thi….
    Or sitaron sey larti thi
    Chand sitarey dekh k usko
    Mann hi mann men muskatay thay
    Apnay hi alfaz men usko
    Beth k shabb bhar samjhatay thay

    Gehri gehri aankhon wali
    Pagal Larki!
    Kis k hont gumaan main rakh kar
    Tu phoolon ko choom rahi hay
    Takkiye ko aaghosh men bhar kar
    Soch men kiski jhoom rahi hay??

    Pagal larki ! ab to so ja
    Janay kab sey jaag rahi hay
    Wo hay panchi urr jaye ga
    Jis kay peechay bhaag rahi hay
    Band palkon per taan k ansoo
    Aanchal men do haath uthaye
    Jaanay kis ko maang rahi hay

    Gehri gehri aankhon wali
    pagal larki
    Terey jesi kachi kaliyan
    Tann k payasay in bhanwron ki
    Tishna aankhon ki chahat men
    Khilnay sey bhi pehlay aksar
    murjhaati hain....
    Sari nazmain sari ghzlain,
    Khoon sey ik din bhar jati hain
    Gehri aankhain marr jati hain...
    Gehri gheri aankhon wali
    pagal larki….”

    Gehri gehri aankhon wali
    Wo nadaan wo pagal larki
    Saari baataon per hansti thi
    Or faqt itna kehti thi
    Main nay jissey pyar kiya hay
    Chaand Sitaro uska peykar
    Tumsey bhi ujla ujla hay....
    mujhko itna ilam hay keh wo...
    sirf mera hay, sirf mera hay….”

    Lakin ik din.....
    Gheri gheri aankhon wali
    wo nadan wo pagal larki
    apni nabzain kaat chuki thi...
    Khoon men dono haath rangey thay
    Gehri gehri do aankhaon men
    jaaney kitnay ashk rukay thay
    Us bhanwray k ishq main haaye !
    Gehri gehri aankhon wali
    pagal larki haar chuki thi
    Kho k sab kuch ishq men apna
    Apney aap ko maar chuki thi…...


    Chand siatarey
    uski gehri aankhon men bus
    jhaank k usko bol rahay thay
    Gehri gehri aankhon wali
    pagal larki !
    Ham NA kehtay thay
    Ab to so ja janay kab sey jaag rahi hay”
    Wo hay panchi urr jaye ga
    Jis k peechay bhaag rahi hay……
    ham na kehtay thay...?
    saari ghazlain,sari nazmain marr jati hain
    gehri aankhain marr jati hain.....
    Gehri gehri aankhon wali....
    pagal Larki!!

  2. Silent Voice

    Silent Voice Inactive Member

    Messages:
    14,518
    Likes Received:
    7,059
    sunyae aaj kal kia ..........."AankhouN ka season " chal raha hai kia??:p
    yahan Paksitan Social Web peh bary deewan parhny ko mil rahy hein..subject posters ka aankhein hein aaj kal..aur Founder bhi yahan keh bachi kii Aankhoun peh tabbsery kerty paaein gey hein ..:giggle:

    nice selection

    Assalam_O_Alykum
    ASAD76 likes this.

  3. tinybud1

    tinybud1 Well-Known Pakistani

    Messages:
    220
    Likes Received:
    116
  4. Silent Voice

    Silent Voice Inactive Member

    Messages:
    14,518
    Likes Received:
    7,059
    :p
comments powered by Disqus

Share This Page

Users found this page by searching for:

  1. www.urdostory.come