Dua Ilahi Teri Chokhat Per Bhikari Ban Ker Aya Hun

[Mahsa]

Ilahi teri chokhat per bhikari ban ker aya hoon,
Sarapa faqr hoon, ijz-o-nadamat saath laya hoon,
Bhikari woh ke jis ke paas jholi hai na payala hai,
Bhikari woh jisey hiras-o-hawas nay maar dala hai,
Mata-e-deen-o-danish, nafs ke hathon se lutwa ker.

Sakoon-e-qalb ki daulat hawas ki bhent charha ker,
Lutta ker sari poonji ghaflat-o-issyan ki daldal mein,
Sahara lene aya hoon tere kaabay ke aanchal mein,
Gunahon ki lipatt sey, kaynat-e-qalb afsurda,

Iraaday muzmehehal, himmat shikasta hoslay murda,
Kahan say laoon takat dil ki sachi tarjumani ki,
Ke kis jhanjhal mein guzri hein ghariyan zindagani ki.

Khulasa yeh ke bus jull bhun ker apni roo-sayahi sey,
Sarapa faqr ban ker apni haalat ki tabahi sey,
Tere darbar mein laya hoon apni ab zaboon-haali,
Teri chokhat ke laeq har amal se hath hein khali,
Yeh Tera ghar hai ye Tere mehr ka darbar hai Maula
Sarapa noor hai, ik mohbat-e-anwaar hai Mola.

Teri chokhat ke jo adab hein, main unn se khali hoon,
Nahi jis ko saleeqa manganey ka, woh sawali hoon
Zuban ghalt-e-nadamat dil ki na’kas tarjumani per,
Khudaya reham meri iss zaban-e-ijz-zabani per,
Ye ankhein khushk hein, Ya Rabb inhein rona nahi aata,
Sulagtay daagh hein dil mein jinhein dhona nahi aata.

Ilahi teri chokhat per bhikari ban kay aaya hoon,
Sarapa faqr hoon, ijz-o-nadamat saath laya hoon,
Sarapa faqr hoon, ijz-o-nadamat saath laya hoon.

 

[Mahsa]

Ye ankhein khushk hein, Ya Rabb inhein rona nahi aata,
Ye Aankhein kal se khushk nahi ho rahi hain Junaid Bhai We are Missing You Badly We Know aap bht Alaa Maqaam Haasil kar chukay hain but Hamain Qarar nahi a raha Bilkul Nahi a raha
Main unki Naat Sun rahi hun but Meray Aanso nahi ruk rahay. Abhi bhi wait kar rahe hun koi Mojiza ho jaye ga aur Woh wapas a jayeinge Woh bach jayeinge. Aisa lag raha Koi bht he qareebi banda chor kar chala gaya ho Bht Qareebi Insan. Hamara Dil Khoon kay aanso ro raha hai Lekin Yaqeen nahi a raha Qarar nahi a raha.

 

[Mahsa]

@Sajjal @Veer @yusra avais @Ajwah @kuku20 @Kool Kat @Noor-e-Kainat @Saad Sheikh @Neha @Namaal @Hafsa @Mastermind @Emma Dil @Hareem @zuny aamir @Kashf @breera @Mahamano @Zirwah @Ali Akbar @Aadil Jahangeer @doctorabidasajid @Amina chattha @Syeda Rumessa @Imal @Qazi Shoaib Rehman @Muhammad Usman @victrezz @Mr.Hammad @Areeba Zahra @Muniza awan @Turaab @M Shah

 

[Noor-e-Kainat]

 

[Muniza awan]

Sachii @Mahsa aik pal k liyaay b ankhain khoshk hi nahi ho rahi...jb bhi dihan idhr ata hai dill katt sa jata hai.....asay lagta jesay koi bht apna chala gaya ho....

 

[Syeda Rumessa]

Main bata nhi sakti kal se mere dil ki halat kitni ajeeb he

 

[Mahsa]

Exactly I Don't know @Muniza awan Tv pe naat aati hai aur Meray dil ko kuch honay lagta hai Main rona start kar daiti hun Main nahi janti Hum sab ka kia rishta tha unse but Aisa lagta hai hum se koi bht qareebi cheez door hogaye ho. Allah hum sab ko apni hifz o amaan main rakahin aur hamain qarar dain Allah ne unhein apne pass bulaya Jannat Main bs Ab Zameen walo ko bhi qarar a jaye.

 

[Areeba Zahra]