Pakistan Fashion Survey - November 2010

Wa Alaikum Salaam, Asalaam O Alaikum...

saad ji agar yeh thread roman main bhi hoti tu acha tha,,,

hmm nice suggestion Heer g aisa kertay hain ke issay roman men bhi idher hi post ker daitay hain takay sab iss men participate ker saken :-?

bohat khush rahen

Asslam u Alaikum Pakistan!
Pakistan Social Web ke Aziz Sathio!

Pakistan Social Web per munaqid honay walay “Survey” nihayat munfarid orr apni missal app hotay hain, her survey 10 say 15 interesting sawalat pr mushtamil hota hai, sab members apnay khyalat ke mutabiq kuch sanjeeda, kuch mazahiya, dilchasb orr maloomati jawabat post kertay hain. Behtreen, mayari orr haqeeqat say qareeb tarr jawabat dainay walay member ko bazarya voting Pakistan Social Web ki janib say “Social Award” say nawaza jata hai.

Yeh Pakistan Social Web ka “Fashion” ke mozo per tarteeb dya gaya survey hai, iss men 10 dilchasb sawal kye gaye hain, Survey men Pakistan Social Web ke tamam members hissa lay saktay hain. Jawab ja’ma honay chahyen, na bohat mukhtasar or na bohat zyada mufassal. Men umeed kerta hon ke tamam members iss survey men apnay khyalat ka nihayat umdagi orr Khobsorti say izhar Karen gay, Insha Allah



1.App ki Nazar men Fashion kya hai?

2.Kya app Fashionable hain? Ager hain too kis had tak or ager nahi too kyon nahi hain?

3.App aam dinon men khud ko kis tarah say rakhtay hain?

4.Kya app mantay hain ke “Dubla” hona Fashion hai? Ager han too appko aisa kyon lagta hai orr kya app khud ko Dubla rakhne ki justju men rehtay hain?

5.Koi aisi cheez jis per app nay sab say zyada paisay kharch kye hon jaisay kapray, jotay yaa kuch or?

6.App kitnay arsay baad nayee chezen khareedtay hain? Jaisay kapray, jootay ya dosri pehnanay ki cheezen.

7.Kya app laugon ke Kapron ya Jooton say unn ki shakhsiyat ka andaza lagatay hain?

8.Ajj kel app ke han kon sa Fashion “Inn” hai, orr iss ke baray men aap ka kya khayal hai?

9.Kya app her Naye aane walay Fashion ke mutabiq khud ko dhalnay ki koshish kertay hain?

10.Kuch laug her aanay walay Fashion men khud ko yeh sochay samjhay bagher dhal laitay hain ke woo fashion unn ko suit bhi kerta hai ya nahi, aisay logon ke baray men App kya kehtay hain?

Qawaid o Zwabit:

Survey men hissa lainay walay member apna jawab likhtay hoay poora sawal ya sawal number zarur sath likh gay.

Survey men hissa lainay walay member apnay jawab sirf “Roman” yaa “Inpage urdu” men likh saktay hain, English ya Unicode urdu men likhay gaye jawab mustarad ker dye jayen gay.

Survey men hissa lainay walay members ke lye tamam sawalon ke jawab daina lazmi hain.

Survey men Jawab post kernay ke baad tabdeel nahi kye jaa saktay.

Survey men hissa lainay walay member apnay jawab Pakistan Society ke aik zimmay dar fard ki haisiat say orr apnay khayal men haqeeqat say qareeb tarr dainay ki koshish Karen gay, issi tarah Pakistani Hakoomat, mulki qawaneen, qomi idarron orr shakhsiyat ka mukammal ehtaram kya jaye ga.

Tamam members Survey jawabat per apnay khyalat orr passandedgi ka musbat andaz men izhar ker saktay hain.

Qawaid o Zawabit ki Khilaf Warzi ki soorat men Pakistan Social Web administration app ke jawab “hazaf” kernay ka haqq mehfooz rakhti hai…!

****_________________________________________________________****

Bohat shukriya,
aap bhi boht khush rahain...

Ji zaroor inshallah, very soon,
tab tak aap apnay answers share kerain

hamm too waisay hi app ka reply dhekh ker khush ho jatay hain

orr roman men issay convert ker ke post ker dya gaya hai.. ab kab dhekh rahay hain hamm app ke social survey ke hawalay say answers :-?

very soon ke baad after soon :-?

yeh kaheen soon soon ke chaker men

moon soon na aa jaye