Sad Poetry Suna hai log usay aankh bhar ke dekhte hain

Discussion in 'Urdu Poetry on Popular Topics' started by Muntsha Khan, Feb 16, 2012.

  1. Muntsha Khan

    Muntsha Khan Popular Pakistani Staff Member Digital Library Staff Baby Names Staff

    Messages:
    1,713
    Likes Received:
    5,514
    Suna hai log usay aankh bhar ke dekhte hain
    So us ke shahar main kuchh din thehr ke dekhte hain
    Suna hai rabt hai us ko kharab halon se
    So apne aap ko barbad kar ke dekhte hain
    Suna hai dard ki gahak hain chashm-e nazuk us ki
    So ham bhi us ki gali se guzar ke dekhte hain
    Suna hai us ko bhi hai sher-o shayari se shagaf
    So ham bhi mojazay apnay hunar ke dekhte hain
    Suna hai bole to baton se phool jharrtay hain
    Ye baat hai to chalo baat kar ke dekhte hain
    Suna hai raat use chand takta rehta hai
    Sitaray baam-e falak se utar kar dekhtay hain
    Suna hai hashr hain us ki ghazaal si aankhain
    Suna hai us ko hiran dasht bhar ke dekhte hain
    Suna hai din ko usay titliyan satati hain
    Suna hai raat ko jugno thahar ke dekhte hain
    Suna hai rat se barh kar hain kakulan us ki
    Suna hai sham ko saye guzar ke dekhte hain
    Suna hai us ki siyah chashmagi qiyamat hai
    So us ko surma farosh aankh bhar ke dekhte hain
    Suna hai us ke labon se gulab jalate hain
    So ham bahar par ilzaam dhar ke dekhte hain
    Suna hai aaina tamasal hai jabin us ka
    Jo sada dill hain ban sanvar ke dekhte hain
    Suna hai jab se hamail hain us ki gardan main
    Mizaj aur hi lal-o gauhar ke dekhte hain
    Suna hai chashm-e tasavur se dasht-e imkan main
    Palang zawaiya us ki kamar ke dekhte hain
    Suna hai us ke badan ke tarash aisay hain
    Ke phuul apani qabayain qatar ke dekhte hain
    Woh sarvqad hai magar begul-e muraad nahin
    Ke us shajar pe shagufay samar ke dekhte hain
    Bas ek nigah se lutata hai qafila dil ka
    So rahravaan-e tamannaa bhi dar ke dekhte hain
    Suna hai us ke shabistan se mutasil hai behisht
    Makin udhar ke bhi jalway idhar ke dekhte hain
    Rukay tu gardishain us ka tawaf karti hain
    Chalay to us ko zamanay theher ke dekhte hain
    Kisay naseeb ke be parahan usay dekhay
    Kabhi kabhi dar-o divaar ghar ke dekhte hain
    Kahaniyan hi sahi sab mubalaghay hi sahi
    Agar woh khawb hai tabeer kar ke dekhte hain
    Ab us ke sheher main thehrain ke kooch kar jayan
    Faraz aao sitaray safar ke dekhte hain

  2. Saad Sheikh

    Saad Sheikh Founder Staff Member

    Messages:
    3,849
    Likes Received:
    9,280
    Very nice :rose:
    Muntsha Khan likes this.

  3. Silent Voice

    Silent Voice Inactive Member

    Messages:
    14,518
    Likes Received:
    7,070
    :p
    [​IMG]
    Muntsha Khan likes this.
  4. Muntsha Khan

    Muntsha Khan Popular Pakistani Staff Member Digital Library Staff Baby Names Staff

    Messages:
    1,713
    Likes Received:
    5,514
    :):) nyc Silent Voice
comments powered by Disqus

Share This Page

Users found this page by searching for:

  1. Suna hai log usay poetry hum tv

    ,
  2. suna hy log usy ankh bhr k dkhty hain