I'd never support this kind of killing operations
Pakistani Govt ki shuroo say hi operation ki policy thi aur us ki base tayyar ki jaa rahi thi. Peace
dialogue k zariye 2 ahem maqasid haasil kiye gaye:
1. Operation k liye awami
himayat hasil karna
2.
Taliban ko taqseem karna
Awami
himayat hasil karna zyada mushkil
nahi tha,
Taliban groups
may pehlay say hi ikhtelaf chal
raha tha, yeh baat Govt janti thi aur isi ka
faida uthaya gaya.
Main yahan per
Taliban k hawalay say bhi apni raye
zahir karna chahta hoon.
Hakeem Mehsood k baad
Taliban do wazeh groups
may taqseem ho gaye thay, aik group jo bay gunah logon k qatal ka bilkul
haami nahi yeh log
asal Taliban say
qareeb tar aur Mulla
Umar ki soch ko follow kartay hein yeh muzakrat k zariye maslay ka hal chahtay hein. Jabkay doosra group Mulla
Umar k farameen ka baghi hai, is ki baag dor Pakistan dushman taaqaton k hath
may hai,
Taliban k ameer Mulla
Umar nay in ki dehshat gard activities say laa-ta'aluqi ka ailaan
kiya huwa hai. Peace
dialogue k doran bhi yehi group dehshat gard hamlay karta
raha.
Ab maslay ka hal kya hai? meray khayal
may agar maslay ko waqai hal karna hai tou Govt janti hai bohot simple hai. Jo
asli Taliban hein woh peace
dialogue chahtay hein, kuch un ki maan kar aur kuch apni manwa kar un say muamlaat tay kar liye ja'ein aur phir un k zariye naqli baghi
Taliban group ka safaya
kiya jaye, is
may Afghan
Taliban bhi aap ki help kar saktay hein, lekin yeh hal na
America chahta hai na hi koi aur Pakistan dushman mulk. Pakistan ko kamzor say kamzor tar karnay ka yeh aalimi agenda hai aur bad qismati say hamari Govt, Army aur
Taliban ka baghi group isi per
amal kartay nazar aa rahay hein.
Jo koi bhi yeh sochta hai k operation say
aman mumkin hai tou woh ahmaqon ki
jannat may rehta hai, pichlay 5 baray operations ka result samnay hai. Is say dehshat gardi
may 200% izafa hoga, aur zyada masoom logon ki jaanein jayein gi, aur zyada log bay ghar aur bay rozgar hon gay, aur zyada bad amni hogi, aur zyada Pakistan dushman dehshat gard hamlay hon gay. Khuda k liye mulk aur masoom awam per
reham karein kyun k yeh impossible hai k jang bhi ho aur
aman bhi ho.