jab yaad ka album kholoon tu kuch loug bohat yaad aate hain
main apna bachpan sochoon tu kuch loug bohat yaad aate hain
ab jaane kis nagri main ja kar soiay howe hain barsoon say
main raat gaiay tak jagoon tu kuch loug bohat yaad aate hain
kuch batien thi pholoon jaisi, kuch khushboo jaise lehje thay
main sehan-e-chaman main tehloon tu kuch loug bohat yaad aate hain
jab panchi lout kar aatay hain aor shaam ki lali parhti hay
main jheel kinare baithoon tu kuch loug bohat yaad aate hain
in ulti seehdi raikhaoon ko pehron choma karte thay
main apni hathaili daikhoon tu kuch loug bohat yaad aate hain
wo pal bhar ki narazgiyaan aor maan bhi jana pal phar main
ab aksar khud say routhoon tu kuch loug bohat yaad aate hain