Silent Smile
Well-Known Pakistani
6
- Messages
- 889
- Reaction score
- 1,086
- Points
- 276
Assalam u Alaikum Pakistan!
Ajj dunya bhar men khawateen ka aalmi din manaya jaa raha hai. Khawateen jau ke kisi bhi maa'shray ka aham juzw hain kisi bhi qaum ki tarraqi men inn ka bohat aham kirdar hota hai.. Allama Iqbal nay kya khob kaha hai
"wajood e zann se ha tasweer e kainat main rang!!"
Billa shubba yeh baat darust hai ger cheh inn ko taqreeban tamam maa'shron (chahay woh tarraqi pazeer hain ya gher tarraqi pazeer) woh muqam orr martaba nahi mill paya jinn ki yeh mustahiq hain.. Hamara deen e Islam oraton ko bohat buland muqam orr martaba dainay ka dars deta hai. Woh chahay kisi bhi roop men kyon na ho ussay aik azeem rutbay say nawaza gaya hai. Bint e Hawa ke qadmon talay 'Jannat' rakhi gayee hai jau yaqeenan aik buland tar martabay ka mazhar hai..
Hamaray Mulk e Pakistan men nitt nayee jahalton ke sabab rozana akhbarat men inn per honay walay mazalim dhekhnay men aatay rehtay hain. Kabhi cholha phatne ke sabab inn ki halakat, too kabhi so called "izat" ki khatir inn ka qatl aik aam si khabar bann ker reh gaya hai. Kabhi inn ko 'Kaari' jaisi bahemana rasm ka nishana banaya jaa raha hai too kaheen wanni ho rahi hai. Kabhi Quran say shadi inn ka muqadar theharti hai too kabhi gala dabanay say moat! Inn sab rawwayon nay hamaray maa'shray men mojod khawateen per bohat gehray asrat murattab kye hain! Lekin chup chap zulm o sitam ko sehti yeh bint e hawa ke lab per uff tak nahi
Ager cheh ahista ahista hamaray maashray men shaoor aa raha hai lekin hamen iss silslay men aisay iqdamat ki zarurat hai jiss say inhen istehsal orr zulm o barbariat say bachaya jaa sakay werna kaheen bohat dair na ho jaye
Hamaray Mulk ki kayee nam war khawateen nay bhi iss moqa per hamaray mulk ka bohat naam roshan kya hai. Kayee likhnay wali writer khawateen ko dhekh lejye ya awaam ke lye jadojehad men masrof samaji shakhsiyat ko sabhi apna apna hissa dalti nazer aati hain
Iss moqa per rabb ke hazoor dua hai ke woh hamen sinf e nazuk ka haqq adda kernay ki tofeeq atta farmaye (Amin) orr inn chiraghon ki roshni orr faizyabi mulk e Pakistan ko atta farmaye (Amin) App sab inn ke lye khasosi dua kya karen!
Ajj ke iss khasosi din ke moqa per men Faiz kee yeh shairi tamam khawateen kee nazr ker ke ijazat chahon ga
bol ke lab aazaad haiN tere
bol zabaaN ab tak terii hai
teraa sutvaaN jism hai teraa
bol ke jaaN ab tak terii hai
dekh ke aahaNgar kii dukaaN meN
tuNd haiN shole surKh hai aahan
khulne lage qufloN ke dahaane
phailaa har ek zanjiir kaa daaman
bol ye thoRaa vaqt bahut hai
jism-o-zubaaN kii maut se pahle
bol ke sach ziNdaa hai ab tak
bol jo kuch kehnaa hai keh le
Bohat khush rahen
Az Silent Smile
Ajj dunya bhar men khawateen ka aalmi din manaya jaa raha hai. Khawateen jau ke kisi bhi maa'shray ka aham juzw hain kisi bhi qaum ki tarraqi men inn ka bohat aham kirdar hota hai.. Allama Iqbal nay kya khob kaha hai
"wajood e zann se ha tasweer e kainat main rang!!"
Billa shubba yeh baat darust hai ger cheh inn ko taqreeban tamam maa'shron (chahay woh tarraqi pazeer hain ya gher tarraqi pazeer) woh muqam orr martaba nahi mill paya jinn ki yeh mustahiq hain.. Hamara deen e Islam oraton ko bohat buland muqam orr martaba dainay ka dars deta hai. Woh chahay kisi bhi roop men kyon na ho ussay aik azeem rutbay say nawaza gaya hai. Bint e Hawa ke qadmon talay 'Jannat' rakhi gayee hai jau yaqeenan aik buland tar martabay ka mazhar hai..
http://persia1.files.*************/2008/04/mother-child-seward-2.jpg
Hamaray Mulk e Pakistan men nitt nayee jahalton ke sabab rozana akhbarat men inn per honay walay mazalim dhekhnay men aatay rehtay hain. Kabhi cholha phatne ke sabab inn ki halakat, too kabhi so called "izat" ki khatir inn ka qatl aik aam si khabar bann ker reh gaya hai. Kabhi inn ko 'Kaari' jaisi bahemana rasm ka nishana banaya jaa raha hai too kaheen wanni ho rahi hai. Kabhi Quran say shadi inn ka muqadar theharti hai too kabhi gala dabanay say moat! Inn sab rawwayon nay hamaray maa'shray men mojod khawateen per bohat gehray asrat murattab kye hain! Lekin chup chap zulm o sitam ko sehti yeh bint e hawa ke lab per uff tak nahi
http://nayyab.files.*************/2010/03/thar-0073.jpg?w=470&h=336
Ager cheh ahista ahista hamaray maashray men shaoor aa raha hai lekin hamen iss silslay men aisay iqdamat ki zarurat hai jiss say inhen istehsal orr zulm o barbariat say bachaya jaa sakay werna kaheen bohat dair na ho jaye
Hamaray Mulk ki kayee nam war khawateen nay bhi iss moqa per hamaray mulk ka bohat naam roshan kya hai. Kayee likhnay wali writer khawateen ko dhekh lejye ya awaam ke lye jadojehad men masrof samaji shakhsiyat ko sabhi apna apna hissa dalti nazer aati hain
Iss moqa per rabb ke hazoor dua hai ke woh hamen sinf e nazuk ka haqq adda kernay ki tofeeq atta farmaye (Amin) orr inn chiraghon ki roshni orr faizyabi mulk e Pakistan ko atta farmaye (Amin) App sab inn ke lye khasosi dua kya karen!
Ajj ke iss khasosi din ke moqa per men Faiz kee yeh shairi tamam khawateen kee nazr ker ke ijazat chahon ga
bol ke lab aazaad haiN tere
bol zabaaN ab tak terii hai
teraa sutvaaN jism hai teraa
bol ke jaaN ab tak terii hai
dekh ke aahaNgar kii dukaaN meN
tuNd haiN shole surKh hai aahan
khulne lage qufloN ke dahaane
phailaa har ek zanjiir kaa daaman
bol ye thoRaa vaqt bahut hai
jism-o-zubaaN kii maut se pahle
bol ke sach ziNdaa hai ab tak
bol jo kuch kehnaa hai keh le
Bohat khush rahen
Az Silent Smile