Sad Poetry Soz-e-gham de ke mujhe usne ye irshad kiya

soz-e-ġham de ke mujhe us ne ye irshād kiyā

soz-e-ġham de ke mujhe us ne ye irshād kiyā
jā tujhe kashmakash-e-dahr se āzād kiyā

vo kareñ bhī to kin alfāz meñ terā shikva
jin ko terī nigah-e-lutf ne barbād kiyā

dil kī choToñ ne kabhī chain se rahne na diyā
jab chalī sard havā maiñ ne tujhe yaad kiyā

ai maiñ sau jaan se is tarz-e-takallum ke nisār
phir to farmā.iye kyā aap ne irshād kiyā

is kā ronā nahīñ kyuuñ tum ne kiyā dil barbād
is kā ġham hai ki bahut der meñ barbād kiyā

itnā mānūs huuñ fitrat se kalī jab chaTkī
jhuk ke maiñ ne ye kahā mujh se kuchh irshād kiyā

merī har saañs hai is baat kī shāhid ai maut
maiñ ne har lutf ke mauqe pe tujhe yaad kiyā

mujh ko to hosh nahīñ tum ko ḳhabar ho shāyad
log kahte haiñ ki tum ne mujhe barbād kiyā

kuchh nahīñ is ke sivā 'josh' harīfoñ kā kalām
vasl ne shaad kiyā hijr ne nāshād kiyā

Nice

@Kool Kat Thank you

Josh Malih Abadi Urdu say bohat muhabbat kartay thay. In ka qaul that "yeh hamary ghar ki londi hai". Mairay aik waqif kar hoa kartay thay, who un kay azizoon may say thay, unho nay bataya keh Josh Sahib kay saamnay agar koi ghalat Urdu boldata to bohat naraz hotay, hatta keh kabhi kabhi apni mehfil say nikal bhi daitay thay. Bust zban ka Isqh hay.
Thanks for sharing his kalaam.
@Falak unki Yaadon ki baaraat parhi?

Wah superb & fantastic love it

is kā ronā nahīñ kyuuñ tum ne kiyā dil barbād
is kā ġham hai ki bahut der meñ barbād kiyā
Awesome one

@Mishaikh most welcome and thank you for the information

@sahrish khan thank you

New poet tag Josh Malihabadi Poetry | Pakistan Social Web

Thank you @Veer