Asad Rehman
Super Star Pakistani
16
- Messages
- 13,866
- Reaction score
- 33,100
- Points
- 1,451
شفیق خلش
دوستی جب بھی کچھ بُتاں سے رہے
دشمنی میری اک جہاں سے رہے
بحر میں تِشنگی کے ڈُوب گیا
لمحہ بھر بھی جو وہ نہاں سے رہے
روز تہمت کا سامنا ہو جہاں
کوئی خوش بھی وہاں کہاں سے رہے
کرب چہرے نے کردئے ظاہر
زخم دل کے اگر نہاں سے رہے
جن کی فرقت نے کر دیا بوڑھا
وہ تصوّر میں کیا جواں سے رہے
دل میں خواہش تھی وصل کی لیکن
سامنے اُن کے اِس بیان سے رہے
اُن حسینوں کی نا رَسِی توبہ
میری نظروں سے جو نہاں سے رہے
اک عمل بھی نہیں تھا پوشیدہ
ساری دنیا پہ ہم عیاں سے رہے
رچ گئے مجھ میں وہ خلش بن کر
جو تخیّل میں جانِ جاں سے رہے
دوستی جب بھی کچھ بُتاں سے رہے
دشمنی میری اک جہاں سے رہے
بحر میں تِشنگی کے ڈُوب گیا
لمحہ بھر بھی جو وہ نہاں سے رہے
روز تہمت کا سامنا ہو جہاں
کوئی خوش بھی وہاں کہاں سے رہے
کرب چہرے نے کردئے ظاہر
زخم دل کے اگر نہاں سے رہے
جن کی فرقت نے کر دیا بوڑھا
وہ تصوّر میں کیا جواں سے رہے
دل میں خواہش تھی وصل کی لیکن
سامنے اُن کے اِس بیان سے رہے
اُن حسینوں کی نا رَسِی توبہ
میری نظروں سے جو نہاں سے رہے
اک عمل بھی نہیں تھا پوشیدہ
ساری دنیا پہ ہم عیاں سے رہے
رچ گئے مجھ میں وہ خلش بن کر
جو تخیّل میں جانِ جاں سے رہے