sahrish khan

sahrish khan

Star Pakistani
I Love Reading
11
 
Messages
6,924
Reaction score
14,147
Points
736
اب کہاں اور کسی چیز کی جا رکھی ہے
دل میں اک تیری تمنا جو بسا رکھی ہے
سر بکف میں بھی ہوں،شمشیربکف ہے تو بھی ہے
تونے کس دن پہ یہ تقریب اُٹھا رکھی ہے
دل سُلگتا ہے ترے سرد رویّے پہ مرا
دیکھ اس برف نے کیا آگ لگا رکھی ہے
آئینہ دیکھ ذرا، کیا میں غلط کہتا ہوں
تُونے مجھ سے بھی کوئی بات چھپا رکھی ہے
جیسے تُو حکم کرے ،دل مِرا ویسے دھڑکے
یہ گھڑی تیرے اشاروں سے ملا رکھی ہے
مطمئن مجھ سے نہیں ہے جو رعیّت میری
یہ مرا تاج رکھا ہے ، یہ قبا رکھی ہے
گوہر اشک سے خالی نہیں آنکھیں انور
یہی پونجی تو زمانے سے بچا رکھی ہے
 

Back
Top