Nazm Ab Kaun Kahay Tum SAy By zian shakil

[Asad Rehman]

اب کون کہے تم سے

اب کون کہے تم سے
بس ایک محبت ہے
بے نام اُداسی ہے

اب کون کہے تم سے
بے چین طبیعت ہے
گھمبیر اُداسی ہے

اب کون کہے تم سے
تیرے ہی تصور سے
دلگیر اُداسی ہے

اب کون کہے تم سے
میں غم کا مصور ہوں
تصویر اُداسی ہے

اب کون کہے تم سے
اک قید ہے زخموں کی
زنجیر اُداسی ہے

اب کون کہے تم سے
پائی ہے سزا جس کی
تقصیر اُداسی ہے

اب کون کہے تم سے
ہاتھوں کی لکیروں میں
تقدیر اُداسی ہے

اب کون کہے تم سے
تم خوابِ محبت ہو
تعبیر اُداسی ہے

اب کون کہے تم سے
مالک ہوں اکیلا میں
جاگیر اُداسی ہے

اب کون کہے تم سے
ابرو ہیں کماں جیسے
اور تیر اُداسی ہے

اب کون کہے تم سے
ان عشق صحیفوں کی
تفسیر اُداسی ہے

اب کون کہے تم سے
جلوہ ہے محبت کا
تنویر اُداسی ہے

اب کون کہے تم سے
دنیا میں تمہارے بن
ہر چیز اُداسی ہے


زین شکیل

@Recently Active Users ​

 

[Asad Rehman]

​

اب کون کہے تم سے​

اب کون کہے تم سے
ہر بار محبت کی
تقصیر نہیں ہوتی

اب کون کہے تم سے
لمحوں کے اجڑنے میں
تاخیر نہیں ہوتی

اب کون کہے تم سے
مرشد ہے اداسی کا!
بے پِیر نہیں ہوتی

اب کون کہے تم سے
ہر زلف محبت میں
زنجیر نہیں ہوتی

اب کون کہے تم سے
جوگی کی محبت میں
جاگیر نہیں ہوتی

اب کون کہے تم سے
بردوں کی کوئی جائز
تعذیر نہیں ہوتی

اب کون کہے تم سے
سب رنگ میسر ہیں
تصویر نہیں ہوتی

اب کون کہے تم سے
ہر خوابِ محبت کی
تعبیر نہیں ہوتی


زین شکیل​

 

[Asad Rehman]

​

اب کون کہے تم سے​

اب کون کہے تم سے
صدیوں کی اداسی ہے
ہر بار چلے آؤ

اب کون کہے تم سے
لمحوں کی گزارش ہے
سو بار چلے آؤ

اب کون کہے تم سے
یہ آنکھ برستی ہے
اک بار چلے آؤ

زین شکیل​

 

[Ellaf khan]

Very Heart touching ....
@Asad Rehman sir
Thanks for sharing.

 

[Falak]