Ghazal Apne jaisi hi kisi shakl meiN dhaalenge tumheiN

[sara butt]

Apne jaisi hi kisi shakl meiN dhaalenge tumheiN
Hum bigaR jaayenge itnaa ki banaa lenge tumheiN

Apni aankhoN meiN dhuaaN kar ke to mushkil hogi
Apne seene pa baharhaal bujhaa lenge tumheiN

MujhmeiN paivast ho tum yuN ke zamaane waale
Meri mitti se mere baad nikaalenge tumheiN

Faislaa kar hi liya hum ne agar miTne ka
Kaasa e jism meiN thoRa sa bachaa lenge tumheiN

Jaane kya kuch ho chhupa tum meiN muhabbat ke siva
Ham tasallii ke liye phir se khaNgaalenge tumheiN

Ye zamiN kuchh bhi nahiN aur ye jahaN kuchh bhi nahiN
Ham agar chaaheiN to ik jast meiN jaa lenge tumheiN

Toot saktaa hai bahut jald ye zindaan e badan
Tum hameiN chhoo lo to ham yuN bhi chhuRa lenge tumheiN

Hamne sochaa hai K is baar junooN karte hue
Khud ko is tarh se kho denge k paa lenge tumheiN

Tum se ik jang to laRni hai so laRte hue ham
Apne kheme meiN kisi roz mila lenge tumheiN

(abhishek shukla) ​

 

[sara butt]

@Recently Active Users

 

[Falak]

@sara butt Zaberdsat....Great choice...Thanx for sharing

 

[sara butt]

@Falak

bht shukriya Siso
hosla barhane k liye..
khush rahiye

 

[Falak]

@sara butt Most welcome sis....

 

[sara butt]

@Falak
it’s my pleasure