Aakash
Popular Pakistani
9
- Messages
- 4,651
- Reaction score
- 12,470
- Points
- 461
Assasay Bant_tay Rahey
Aur wo judda honey se pehly
apni zindagi key Assasay baant rahey thy
Sub se pehly unhoon ney hansi Adhi adhi bant lii
To wo boli:
Tum apny hissey ki hansi ka kiya karo gy?
Yateem khany key choty choty bachoon ko doon ga…
Uss ney jawab diya:
Wo barri farakh dil nikli
Aur jab uddaasi bantney ka waqt aaya to keny lagi
Main ess mein se kuch nahi laiti saari uddaasi tum rakh lo
Ess terha uss ney saara safar, saara intezaar, khizaan ke saarey mousam,
Sardiyoon ki tanha shaamein ussy day dein aur kehny lagi
Aaj to tumhein andaza ho giya ho ga keh main kanjoos nahi hoon
Wo bohat khush hua aur bola:
Wo Dopehr bhi Saari mujhy dey do jab hum pehli baar milay thy..
Wo maan gaii aur wo dopehr bhi Uddaasi, Khizaan ke mousamoon,
Tanhaii aur safar key dhair par rakh dii..
Itny mein uss ny farakh_dilana lehjy mein pocha,
Wo bary mutma-en lehjy mein bola
Apni uddaasi ko jo hissa tum ne mujhe diya hai
Ussy zindagi bhar saath rakhoon ga..
Shaamein burhy Librarian ke naam kar doon ga,
Intezaar mandair par rakhy uss diye mein daal doon ga
Jisay sar_e_shaam jala kar koi larki
Kissi ki chaap ki muntazir ho gii,
Saara safar khat mein daal kar post kar doon ga
Jin ka mahboob door ho ga
aur uss sey milny kaliye be_chain ho ga,
Rait par ungli se ek Lambi lakeer khainch kar boli:
Saara mazi bhi tum rakh lo.
Yakdam khushi ki ek lehar uss ke chehry par uthii,
Aur aankhoon mein aa kar thehr gaaii,
Uss ne cigarette Sulgaya aur bola
Tum ne apna saara mazi bhi mujhe day kar bohat acha kiya
Ess ka kiya karo gy? Uss ne pocha?
Essay ourh kar phiroon ga
aaney wali Tanha dopehroon aur sard shaamoon mein
Wo muskaraii….! Saarey Lafz bhi tum lay lo?
Wo mamnoon sa ho giya aur bola
Main saarey lafz bhi post mainoon mein bant doon ga,
Magar Hamare Darmiyaan Geetoon kii sanjh bhi hai
Haan….!! Wo bhi tum lay lo…..!!!
Theik hai wo mutma_en sa ho giya
En ka kiya karo gay?
Malaahoon, saarbanoon aur charwahoon mein bant doon ga
Kissi se toot kar muhabat karny wali larki ko day doon ga
Yuhein wo kitni dair apney Assasay bantay Rahey
