Ghazal BichaR ke tum se yeh sochuN, K dil kahaN jaye

[Falak]

BichhaR ke tum se yeh sochuN, K dil kahaaN jaaye
Sehar udaas kare, shaam raayegaaN jaaye

ZameeN – badar jo hue ho to mere ham-safaro
Chalay chalo K jahaaN tak yeh aasmaaN jaaye

Tamaam shahr mein phailii hui hai tanhaayii
Ye dil jawaaN sahi, lekin kahaaN kahaaN jaaye

JaluN to yuN K azal jagmagaa uThe mujh se
BujhuN to yuN K abad tak mera dhuwaaN jaaye

Abhi to dil se nikal kar zabaaN tak aayi hai
Kise khabar K kahaaN tak yeh daastaaN jaaye

Qadam-qadam pe hai zandaN ravish-ravish pe salib
Koi to ho jo K jo ab bahr E imtehaaN jaaye

BichhaR chalaa hai to meri duaa bhi leta ja
WahaaN-wahaaN mujhe paye, jahaaN-jahaaN jaye

Main apne ghar ki taraf jaarahaa huN yuN ‘Mohsin’
K jaise luT ke, kisi ban mein kaarvaaN jaaye

(Mohsin Naqvi)

@Recently Active Users​

 

[Ellaf khan]

@Falak
Beautiful...
Too much heart touching
Thanks for sharing

 

[Falak]

@Ellaf khan
Thank you

 

[Mishaikh]

Main apne ghar ki taraf jaarahaa huN yuN ‘Mohsin’
K jaise luT ke, kisi ban mein kaarvaaN jaaye

Issi mazmoon main from Ghalib:

Koi veerani si veerani hai,
Dasht ko dekh ke ghar yaad aaya

@Falak
@Recently Active Users

 

[Falak]

@Mishaikh
Thank you

 

[Asad Rehman]

K jaise luT ke, kisi ban mein kaarvaaN jaaye

Esi line sirf mohsin naqvi he likh sktay thay
Shandaar intikhaab

Tamaam shahr mein phailii hui hai tanhaayii
Ye dil jawaaN sahi, lekin kahaaN kahaaN jaaye

Speechless

 

[Falak]

@Asad Rehman yes your right....The one and only Mohsin Naqvi...
Thank you