Ghazal Dasht-e-Tanhai men ai jan-e-jahan larzan hain - Faiz Ahmed Faiz

[Veer]

dasht-e-tanhai men ai jan-e-jahan larzan hain
teri avaz ke saae tire honton ke sarab

dasht-e-tanhai men duuri ke khas o khaak tale
khil rahe hain tire pahlu ke saman aur gulab

uth rahi hai kahin qurbat se tiri saans ki aanch
apni khushbu men sulagti hui maddham maddham

duur ufuq paar chamakti hui qatra qatra
gir rahi hai tiri dildar nazar ki shabnam

is qadar pyaar se ai jan-e-jahan rakkha hai
dil ke rukhsar pe is waqt tiri yaad ne haat

yuun guman hota hai garche hai abhi subh-e-firaq
dhal gaya hijr ka din aa bhi gai wasl ki raat

 

[Veer]

 

[M Shah]

@Veer ..my most fvrt ghazal ..this ghazal has sung 3 times ..originally sung by iqbal bano then tina sani but who has given the soul to this master piece she is misha shafi ,the roughage and fierceness in her voice just bewitched this ghazal ..kabhi sun lai un ki awaaz mai

 

[Saad Sheikh]

Yeh aisi ghazal hai k without music sunnay may zyada achi hai.

Meesha Shafi version is the best one.

 

[Mahsa]

Meesha Shafi ki awaz Main bht achi hai ye ghazal.