Hazrat Sayyidatuna Umm e Hani

Mem00na

Mem00na

Well-Known Pakistani
516
1,383
141
حضرت سیدتنا اُمِّ ہانی رضی اللہ عنہا

Hazrat Umm e Hani


وہ شخصیات جنہوں نے سرکارِ مکّۂ مکرّمہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی شفقتوں اور آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے فیض ِصحبت سے وافر حصہ پایا ان میں سے ایک نام حضرت سیّدتُنا اُمِّ ہانی رضی اللہُ عنہا کا بھی ہے۔

نام و نسب

آپ رضی اللہُ عنہا کا نام فاخِتَہ بنتِ ابو طالب ہے مگر مشہور اپنی کنیت اُمِّ ہانی سے ہیں۔ آپ کا تعلق قبیلۂ بنو ہاشم سے ہے اور والدہ کا نام حضرت سیّدتُنا فاطمہ بنتِ اسد رضی اللہُ عنہا ہے۔آپ حضور نبیِّ کریم صلَّی اللہ علیہ واٰلہٖ وسلَّم کی چچازادبہن اور حضرت سیّدُنا علی شیرِ خدا رضی اللہ عنہ کی سگی بہن ہیں۔آپ نے سن 8ھ میں فتحِ مکّہ کے موقع پر اسلام قبول کیا۔

نکاح و اولاد

ظہورِ اسلام سے پہلے ہی آپ کی شادی ہُبَیرہ بن ابو وہب مخزومی کے ساتھ ہوئی تھی،ہُبَیرہ اپنے کفر پر اَڑا رہا اور مسلمان نہیں ہوا۔(الاصابۃ،ج1،ص590) اس لئے میاں بیوی میں جدائی ہوگئی۔ہُبَیرہ بن ابو وہب مخزومی سے آپ کے چار بیٹے عمرو، ہانی، یوسف اور جَعدہ تھے۔

(الاصابہ،ج8،ص485، الاستیعاب،ج 4،ص 517-518،اسد الغابۃ،ج7،ص442)

پیارے آقا کریم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی صحبت سے کس قدر آپ نے فیضان حاصل کیا اور آپصَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے انہیں کس قدر شفقتوں سے نوازا اس حوالے سے درج ذیل چند واقعات ملاحظہ فرمائیں:

تبرکات سے عقیدت ایک مرتبہ آپصَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے شربت پی کر حضرت اُمِّ ہانیرضی اللہُ عنہا کو عنایت فرمایا تووہ بولیں:میں اگرچہ روزے سے ہوں لیکن آپ صلَّی اللہُ علیہ واٰلہٖ وسلَّم کا بچا ہوا واپس کرنا پسندنہیں کرتی ہوں۔

(مسند احمد،ج10،ص264، حدیث: 26976)

آپ کو مشورہ بھی عنایت فرماتے حضورصَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے ایک بار آپ کو مشورہ دیتے ہوئے ارشاد فرمایا کہ اے اُمِّ ہانی! تم بکری لے لو تاکہ صبح و شام اس سے نفع (دودھ) حاصل کرو۔

(مسنداحمد،ج 10،ص262،حدیث: 26968 مفہوماً)

سرکار صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی تشریف آوری فتحِ مکّہ کے دن پیارے آقاصَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے آپ کے مکان پرغسل فرمایا اور آٹھ رکعت نمازِ چاشت ادا فرمائی۔

(بخاری،ج1،ص397، حدیث:1176)

اس کو ہم نے بھی اَمان دیدی ایک بار حضرت اُمِّ ہانی رضی اللہُ عنہا نے عرض کی کہ یَارسول اللہ! میں نے حارث بن ہشام (ابوجہل کے بھائی) اور زُہَیر بن اُمیہ کو امان دے دی ہے لیکن میرے بھائی حضرت علی ان دونوں کو اس جرم میں قتل کرنا چاہتے ہیں کہ ان دونوں نے حضرت خالد بن ولید کی فوج سے جنگ کی ہے تو آپ صلَّی اللہُ علیہ واٰلہٖ وسلَّم نے فرمایا کہ اے اُمِّ ہانی! جس کو تم نے امان دے دی اس کے لئے ہماری طرف سے بھی امان ہے۔

(زرقانی علی المواھب،ج 3،ص446،447)

پیارے آقا سے وظائف پوچھتیں ایک بار آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ سے عرض کی: یَارسولَ اللہ! میں بوڑھی اور کمزور ہوگئی ہوں لہٰذا مجھے ایسا کوئی عمل ارشاد فرما دیجئے جسے میں بیٹھ کر کرتی رہوں چنانچہ سرکار صلَّی اللہُ علیہ واٰلہٖ وسلَّم نے آپ کو وظائف عنایت فرمادیئے۔

(مسند احمد،ج10،ص264، حدیث: 26977)

علم دین کی تڑپ آپ نے پیارے آقاصَلَّی اللہُ تَعَالٰی عَلَیْہِ وَاٰلِہٖ وَسَلَّمَ سے 46 احادیث روایت کی ہیں جو کہ صحاح ستّہ (یعنی حدیث پاک کی 6کتابیں،بخاری،مسلم،ترمذی،ابوداؤد، نسائی ، ابن ماجہ) اور دیگر کتب میں بھی مذکور ہیں

(سیر اعلام النبلاء،ج 2،ص34)

نیز آپ حضور نبیِّ کریمصَلَّی اللہُ تَعَالٰی عَلَیْہِ وَاٰلِہٖ وَسَلَّمَ سے قراٰن پاک کی تفسیر بھی دریافت کرتیں۔

(مسند احمد،ج10،ص260، حدیث:26956)

وفات

کتب سِیَر(یعنی تاریخ و سیرت کی کتابوں) میں آپ کی وفات کا سِن تو مذکور نہیں البتہ زرقانی میں ہے کہ آپ کی وفات حضرت امیر معاویہ رضی اللہُ عنہ کے دورِ خلافت میں ہوئی۔

(زرقانی علی المواھب،ج3،ص445)

اللّٰہ پاک کی ان پر رحمت ہو اور ان کے صدقے ہماری بے حساب مغفرت ہو۔اٰمِیْن بِجَاہِ النَّبِیِّ الْاَمِیْن صَلَّی اللہُ تَعَالٰی عَلَیْہِ وَاٰلِہٖ وَسَلَّمَ​
 

Saad Sheikh

Saad Sheikh

Founder
Staff member
4,792
13,895
456
ماشاءاللہ

House of Umme Hani (رضي الله عنها)

house-of-Umme-Hani-ra.jpg


This area, on the side of the Bab-e-Abdul Aziz gate is believed to have been the location of the house of Umme Hani (رضي الله عنها), the cousin of the Prophet (ﷺ) and the daughter of Abu Talib. It was from here that the Prophet (ﷺ) was summoned by Jibraeel (عليه السلام) and taken to Bayt Al-Maqdis in Jerusalem. This incident is known as ‘al-Isra’ (the night journey) and occurred around 621 CE.
 
intelligent086

intelligent086

Star Pakistani
7,471
14,543
981
ماشاءاللہ

House of Umme Hani (رضي الله عنها)

View attachment 53001

This area, on the side of the Bab-e-Abdul Aziz gate is believed to have been the location of the house of Umme Hani (رضي الله عنها), the cousin of the Prophet (ﷺ) and the daughter of Abu Talib. It was from here that the Prophet (ﷺ) was summoned by Jibraeel (عليه السلام) and taken to Bayt Al-Maqdis in Jerusalem. This incident is known as ‘al-Isra’ (the night journey) and occurred around 621 CE.
جزاک اللہ خیراً کثیرا
 

Create an account or login to comment

You must be a member in order to leave a comment

Create account

Create an account on our community. It's easy!

Log in

Already have an account? Log in here.

Similar threads

intelligent086
Replies
13
Views
48
intelligent086
intelligent086
intelligent086
    • Like
  • intelligent086
  • 9
  • 140
Replies
9
Views
140
intelligent086
intelligent086
intelligent086
Replies
13
Views
127
intelligent086
intelligent086
intelligent086
Replies
41
Views
464
intelligent086
intelligent086
Saad Sheikh
    • Like
  • Saad Sheikh
  • 8
  • 125
Replies
8
Views
125
Mem00na
Mem00na
Top
AdBlock Detected
Your browser is blocking advertisements. We're strongly asking to disable ad blocker while you're browsing in Pakistan.web.pk. You may not be aware but any visitor supports our site by just viewing and visiting ads.

آپ کے ویب براؤزر میں ایڈ بلاکر انسٹال ہے، مہربانی کرکے اسے پاکستان ویب پر ڈس ایبل رکھیں ۔ شاید آپ کو معلوم نہ ہو مگر سپانسر اشتہارات کو دیکھ کر ہی آپ پاکستان ویب کو سپورٹ کرتے ہیں۔ سپانسر اشتہارات سے ویب سائٹ کے اخراجات ادا کرنے میں تھوڑی سی ہی سہی مگر مدد ملتی ہے، اس لئے ابھی اپنے براؤزر کی آپشنز میں جاکر ایڈ بلاکر بند کر دیں، شکریہ

I've Disabled AdBlock    No Thanks