Falak
Super Star Pakistani
I Love Reading
15
- Messages
- 11,349
- Reaction score
- 19,975
- Points
- 1,236
حکایت شاخِ تنہا کی خُدا سے کیوں نہیں کہتے
خُدا سے جو بھی شکوہ ہے ، خُدا سے کیوں نہیں کہتے
پرندے جو پروں سے مُنحرف بیٹھے ہیں شاخوں پر
اُڑا کر اُن کو لے جائے، ہوا سے کیوں نہیں کہتے
اُڑا کر اُن کو لے جائے، ہوا سے کیوں نہیں کہتے
یہ مٹی پر تو بن جاتا ہے، نہیں کوئی کمال ایسا
کبھی پانی پہ ٹھہرے، نقشِ پا سے کیوں نہیں کہتے
کبھی پانی پہ ٹھہرے، نقشِ پا سے کیوں نہیں کہتے
ہمارے اشک کُچھ تاخیر سے آتے ہیں پلکوں پر
ذرا آُجلت دکھائے، آبتلا سے کیوں نہیں کہتے
ذرا آُجلت دکھائے، آبتلا سے کیوں نہیں کہتے
نشیبِ وقت میں اب چند خیموں کے سِوا کیا ہے
بدل لے رُخ ذرا سیلِ بلا سے کیوں نہیں کہتے
بدل لے رُخ ذرا سیلِ بلا سے کیوں نہیں کہتے
ستارا توڑ کر لانا اگر مُمکن نہیں مُحسن
تو جُگنو ڈھونڈ لے، بختِ رسا سے کیوں نہیں کہتے
تو جُگنو ڈھونڈ لے، بختِ رسا سے کیوں نہیں کہتے