Sad Poetry Jab bhi hansne ke zamaane aaye

[Falak]

Jab bhi hansne ke zamaane aaye
Zakhm phir yaad puraane aaye

Baar-ha unko manaaya to hamein
RooTh jaane ke bahaane aaye

Phir mujhe toot ke chaaha usne
Phir bichhaRne ke zamaane aaye

Muskuraa kar hamein milne waale
Zindagi bhar ko rulaane aaye

Kitni mahroom thiN neendein unki
Khaab bhi jin ko jagaane aaye

Teri chahat ne Thaharne na diya
Raah mein kitne thikaane aaye

Tu nahi hai to hawa ka jhoNka
Ghar ki zanjeer hilaane aaye

Dil bujhaa hai na jale hain kheeme
Aap kyuN jashn manaane aaye

Isi ummeed pe jaago yaaro!
Ab woh kis waqt na jaane aaye

Raas aaya jinhein sehra ‘Muhsin’
Unki qismat mein khazaane aaye


(Mohsin Naqvi)

@Recently Active Users ​

 

[Asad Rehman]

Baar-ha unko manaaya to hamein
RooTh jaane ke bahaane aaye

Lajawab intikhaab je
Kia kehnay Mohsin Naqi k
Har rang men likha he unhoon ne
Thanks for sharing

 

[Falak]

@Asad Rehman he did indeed...May Allah rest his soul peacefully... your welcome..thanx for appriciatig

 

[Mishaikh]

Bohat khoobsoorat andaaz hai,
@Falak

 

[Falak]

@Mishaikh Thank you