1. A
    15

    Asad Rehman Super Star Pakistani

    احمد فراز

    کل شب ہوئی کسی سے ملاقات رقص میں
    وہ کب تھی زندگی تھی مرے ساتھ رقص میں

    اک دوسرے کو تھامے ہوئے بے سبب نہ تھے
    محسوس کی ہے گردشِ حالات رقص میں

    اُس کے بدن کی آنچ مرے دل تک آ گئی
    آوارہ ہو رہے تھے مرے ہاتھ رقص میں

    وہ ایڑیوں پہ مثلِ زمیں گھومتی رہی
    سات آسماں تھے رقص کناں ساتھ رقص میں

    کوئی نہیں تھا گوش بر آواز پھر بھی وہ
    سرگوشیوں میں کرتی رہی بات رقص میں

    یہ دل کہ اپنا سود و زیاں جانتا نہیں
    آئے طرح طرح کے خیالات رقص میں

    لمحوں کا التفات کہیں عارضی نہ ہو
    میں کر رہا تھا خود سے سوالات رقص میں

    موسیقیوں کی لے سے لہو موج موج تھا
    وہ اس کے با وجود تھی محتاط رقص میں

    پھر آ گئے کچھ اہلِ عبا بھی سبو بہ دست
    کیا کیا دِکھا رہے تھے کرامات رقص میں

    کچھ دیر بعد جیسے بہم ہو گئے تھے سب
    اہلِ قبا و اہلِ خرابات رقص میں

    آخر کو رقص گاہ میں ایسی پڑی دھمال
    اک دوسرے سے چھوٹ گئے ہاتھ رقص میں

    وہ کون تھی کہاں سے تھی آئی کدھر گئی
    اتنا ہے یاد بیت گئی رات رقص میں
     
    Ellaf khan and Falak like this.
  2. immortal poetry....Awesome ...thanks for sharing @Asad Rehman
     
    Ellaf khan and Asad Rehman like this.
  3. A
    15

    Asad Rehman Super Star Pakistani

  4. Ellaf khan
    5

    Ellaf khan Well-Known Pakistani I Love Reading

Loading...