Nazm Kangan

Mohhabat.jpg
 

Aankh Ban Jati Hai Sawan Ki Ghata Sham Ke Baad

Laut Jaata Hai Agar Koi Khafa Sham Ke Baad

Wo Jo Tal Jati Rahi Sar Se Bala Sham Ke Baad

Koi To Tha Ke Jo Deta Tha Dua Sham Ke Baad

Aanhen Bharti Hai Shab-E-Hijr Yateemon Ki Tarah

Sard Ho Jaati Hai Har Roz Hawa Sham Ke Baad

Sham Tak Qaid Raha Karte Hain Dil Ke Andar

Dard Ho Jate Hain Saare Hi Rehaa Sham Ke Baad

Log Thak Haar Ke So Jate Hain Lekin Janaa

Hum Ne Khush Ho Ke Tera Dard Saha Sham Ke Baad

Chand Jab Ro Ke Sitaaron Se Galay Milta Hai

Ik Ajab Rang Ki Hoti Hai Fizaa Sham Ke Baad

Hum Ne Tanhaai Se Pucha Ke Milo Gi Kab Tak

Us Ne Be-Chaini Se Foran Hi Kaha Sham Ke Baad

Tum Gaye Ho To Siyah Rang Ke Kapre Pehne

Phirti Rehti Hai Mere Ghar Mai Qaza Sham Ke Baad

Maar Deta Hai Ujarr Jaane Ka Dohra Ehsaas

Kash Ho Koi Kisi Se Na Judaa Sham Ke Baad
 

Attachments

  • 10259772_669655169780170_5952192776226716105_n.jpg
    10259772_669655169780170_5952192776226716105_n.jpg
    36.8 KB · Views: 12
Ab Yahi Aakhri Sahara Hai

Mai Tera, Tu Mera Kinara Hai

Lautna Ab Nahi Raha Mumkin

Tu Ne Kis Morr Par Pukaara Hai

Kiya Tumhen Ab Bhi Yaad Aata Hai

Chand Ke Paas Jo Sitaara Hai”

Yeh To Sajta Hai Aasmanon Par

Tu Ne Palkon Pe Kiyu Utaara Hai

Maut Ke Saamne Haqeeqat Mai

Hijr To Ik Zara Ishaara Hai

Hum Koi Khas Khush Nahi FARHAT

Zindagi Kiya Hai Bas Guzaara Hai
IMRAN ABBASI******
 
Sochta Hun Ke Usay Nend Bhi Aati Hogi

Ya Meri Tarha Faqat Ashk Bahati Hogi

Wo Meri Shakal Mera Naam Bhulane Wali

Apni Tasweer Se Kiya Aankh Milati Hogi

Is Zameen Pe Bhi Hai Sailaab Mere Ashkon Se

Mere Maatam Ki Sada Arsh Hilaati Hogi

Sham Hote Hi Wo Chokhat Pe Jala Kar Shamein

Apni Palkon Pe Kai Khuwab Sulaati Hogi

Us Ne Silwa Bhi Liye Honge Siyah Rang Ke Libaas

Ab Moharram Ki Tarha Eid Manaati Hogi

Hoti Hogi Mere Bosay Ki Talab Mai Pagal

Jab Bhi Zulfon Mai Koi Phool Sajaati Hogi

Mere Taareek Zamanon Se Nikalne Wali

Roshni Tujh Ko Meri Yaad Dilaati Hogi

Dil Ki Masoom Ragein Khud Hi Sulagti Hongi

Jun Hi Tasweer Ka Kona Wo Jalaati Hogi

Roop De Kar Mujhe Is Mai Kisi Shehzaade Ka

Apne Bachon Ko Kahani Wo Sunaati Hogi


IMRAN ABBASI****
 
Us ke hathon se jo khushboo-e-hina aati hai

Aesa lagta hai ke jannat se hawa aati hai

Choomne daar ko kis dhaj se chala hai koi

Aaj kis naaz se maqtal mai qaza aati hai

Na kabhi koi kare tujh se tere jesa sulook

Haath uthte hi yahi lab pe dua aati hai

Tere gham ko yeh barhana nahi rehne deti

Meri ankhon pe jo ashkon ki rida aati hai

Us ke chehre ki tamazat bhi hai shamil is mai

Aaj tapti hui sawan ki ghata aati hai

Ghoomne jab bhi tere shehr mai jati hai wafa

Bain karti hui wapas wo sada aati hai

Hai wohi baat har ik lab pe bohot aam yahan

Hum se jo kehte hue un ko haya aati hai
 
Back
Top