1. intelligent086
    7

    intelligent086 Popular Pakistani


    لفظ پاکستان کے خالق، چوہدری رحمت علی

    pakistan ke khaliq.
    رانا اعجاز
    باشعور قومیں اپنے محسنوں کی خدمات کو کبھی فراموش نہیں کرتیں بلکہ ہمیشہ یاد رکھتی ہیں۔ تحریک پاکستان کا نام تجویز کرنے والے چوہدری رحمت علی حقیقی معنوں میں پاکستان کے ہیرو اور محسن ہیں، چودھری رحمت علی 16نومبر1897ء میں مشرقی پنجاب کے ضلع ہوشیار پور کے گائوں موہراں میں ایک متوسط طبقے کے زمیندار حاجی شاہ گجر کے ہاں پیدا ہوئے، ابتدائی تعلیم دینی مکتب سے حاصل کی جبکہ میٹرک اینگلو سنسکرت ہائی اسکول جالندھر سے کیا۔ 1914ء میں مزید تعلیم کیلئے لاہور تشریف لائے اور اسلامیہ کالج لاہور میں داخلہ لیا۔ اسلامیہ کالج کے مجلے ’’دی کریسنٹ ‘‘کے ایڈیٹر اور طلباء سے متعلق کئی بزموں کے عہدیدار رہے، دی فادرلینڈ آف پاک نیشن، مسلم ازم اور انڈس ازم کتابچے لکھے۔
    دوران طالب علمی اسلامیہ کالج میں بزم شبلی کی بنیاد رکھی کیونکہ وہ مولانا شبلی سے بہت متاثر تھے۔ 1918ء میں بی اے کرنے کے بعد جناب محمد دین فوق کے اخبار کشمیر گزٹ میں اسسٹنٹ ایڈیٹر کی حیثیت سے اپنے کیئریر کا آغاز کیا۔ 1928ء میں ایچی سن کالج میں لیکچرار مقرر ہوئے۔ کچھ عرصہ بعد انگلستان تشریف لے گئے جہاں کیمبرج اور ڈبلن یونیورسٹیوں سے قانون اور سیاست میں اعلیٰ ڈگریاں حاصل کیں۔ اس طرح 1933ء میں انہوں نے برصغیر کے طلباء پر مشتمل ایک تنظیم پاکستان نیشنل لبریشن موومنٹ کے نام سے قائم کی۔ 1933 ء میں چودھری رحمت علی نے دوسری گول میز کانفرنس کے موقع پر اپنا مشہور کتابچہ ’’ ناؤ آر نیور‘‘ (اب یا کبھی نہیں) شائع کیا جس میں پہلی مرتبہ لفظ پاکستان استعمال کیا گیا، جو تحریک پاکستان کے قلعے کی آہنی دیوار ثابت ہوا اور برصغیر کے مسلمان و دیگر اقوام لفظ ’’پاکستان‘‘ سے آشنا ہوئیں۔ آپ کے مطابق آپ نے یہ نام پنجاب (پ) افغانیہ (ا) کشمیر (ک) سندھ (س) اور بلوچستان (تان) سے اخذ کیا جہاں مسلمان 1200 سال سے آباد تھے، اسی وجہ سے انہیں دنیا کا پہلا پاکستانی کہا جاتا ہے۔ اس کے علاوہ انہوں نے پاکستان، بنگلستان اور عثمانستان کے نام سے تین ممالک کا نقشہ بھی پیش کیا۔ پاکستان میں کشمیر، پنجاب، دہلی سمیت، سرحد، بلوچستان اور سندھ شامل تھے۔ جبکہ بنگلستان میں بنگال، بہار اور آسام کے علاقے شامل تھے۔ اس کے علاوہ ریاست دکن کو عثمانستان کا نام دیا۔ انہوں نے 1935ء میں ایک ہفت روزہ اخبار ’’پاکستان‘‘ کیمبرج سے جاری کیا اور اپنی آواز پہنچانے کے لئے جرمنی اور فرانس کا سفر کیا اور جرمنی کے ہٹلر سے انگریزوں کے خلاف مدد کا وعدہ لیا۔ اس کے علاوہ اسی سلسلہ میں امریکہ اور جاپان وغیرہ کے سفر بھی اختیار کئے۔
    چودھری رحمت علی 23 مارچ 1940 ء کو آل انڈیا مسلم لیگ کے چونتیسویں سالانہ اجلاس میں شرکت کے لئے لاہور تشریف لانا چاہتے تھے لیکن چند روز قبل خاکساروں کی فائرنگ کی وجہ سے اس وقت کے وزیراعلیٰ پنجاب سکندر حیات نے چودھری رحمت علی کے پنجاب میں داخلے پر پابندی عائد کر دی۔ بالآخر 14 اگست 1947ء کو چوہدری رحمت علی کے تجویز کردہ نام کو تعبیر مل گئی، پاکستان معرض وجود میں آگیا، مگرآپ پاکستان کی جغرافیائی حیثیت سے مطمئن نہ تھے۔ اپریل 1948ء میں آپ پاکستان تشریف لائے لیکن قائداعظم کی وفات کے بعد مسلم لیگی قیادت کے روئیے سے مایوس ہوکر واپس انگلستان لوٹ گئے جہاں 29جنوری1951ء کو نمونیہ کے مرض میں مبتلا ہو گئے اور 3 فروری کے دن شدید بیماری کی حالت میں کیمبرج کے ایک ہسپتال میں غریب الوطنی، ناداری اور بیماری کے عالم میں وفات پائی۔
    چودھری رحمت علی کا جسد خاکی انگلستان کے شہر کیمبرج کے قبرستان میں امانتًا دفن ہے۔ چوہدری رحمت علی عالم اسلام کی بڑی اہم شخصیت تھے، تحریک پاکستان کے دیگر رہنماوں کی طرح ان کی لازوال خدمات، محنت اور جدوجہد کی وجہ سے آج اسلامی جمہوریہ پاکستان کے کروڑوں مسلمان آزادی کا سانس لے رہے ہیں۔​
     
    Tags:
    Maria-Noor likes this.
  2. intelligent086
    7

    intelligent086 Popular Pakistani

  3. Maria-Noor
    6

    Maria-Noor Well-Known Pakistani I Love Reading

    @intelligent086
    ماشاءاللہ
    کتنا پیارا نام پاکستان
    نوازشریف دور میں ان کے جسد خاکی کو لانے کی صدا تو سنی تھی آج معلوم ہوا ہے کہ اس وقت کچھ بھی نہیں ہوا تھا
    بہت عمدہ انتخاب
    شیئر کرنے کا شکریہ
     
    intelligent086 likes this.
  4. Maria-Noor
    6

    Maria-Noor Well-Known Pakistani I Love Reading

    @Veer
    تحریک پاکستان یا معروف شخصیات کے نام سے کوئی سیکشن
     
    intelligent086 and Veer like this.
  5. Veer
    26

    Veer Famous Pakistani Staff Member

  6. Veer
    26

    Veer Famous Pakistani Staff Member

    intelligent086 and Maria-Noor like this.
  7. intelligent086
    7

    intelligent086 Popular Pakistani

    @Veer جی
    بہت بہت شکریہ
     
    Maria-Noor likes this.
  8. intelligent086
    7

    intelligent086 Popular Pakistani

    Maria-Noor likes this.
  9. intelligent086
    7

    intelligent086 Popular Pakistani

    پسند اور جواب کا شکریہ​
     
    Maria-Noor likes this.
Loading...