intelligent086
Star Pakistani
20
- Messages
- 17,578
- Reaction score
- 26,649
- Points
- 2,231
نعت لکھنی ہے حضور آپﷺ کو کیا کیا لکھوں
پر تو ذات لکھوں، ذات کا پردہ لکھوں
دونوں عالم کی ہر اک شئے کی تمہیں ہو بنیاد
یدِ بیضاء دم عیسیٰ کہو اب کیا لکھوں
مرتبہ آپ کا قرآں سے سمجھ میں آیا
تمہیں یٰسین لکھوں یا تمہیں طٰہ لکھوں
آپ کی دید سے ظاہر ہوا حق کا منشا
رُخِ زیبا کو میں قرآن کا پارہ لکھوں
واصلِ ذات بھی ہو شاملِ مخلوق بھی ہو
تمہیں با خطِ جلی برزخ کبریٰ لکھوں
ان کے جلوؤں سے ہے معمور مرا دل تنہا
کیوں نہ میں دل کو مرے گنبد خضریٰ لکھوں
ارض طیبہ تری آغوش میں ہیں ختم رسل
مجھ سے پوچھے کوئی جنت تو مدینہ لکھوں
منزل قرب کی ہر ایک ادا یاد تو ہے
قاب قوسین، لکھوں یا فتدلی لکھوں
آپ بے ہوشؔ کے آقا بھی ہیں ہوش کل بھی
ذات مطلق کی انا کا تمہیں منشا لکھوں
٭٭
