Falak
Super Star Pakistani
I Love Reading
15
- Messages
- 11,349
- Reaction score
- 19,976
- Points
- 1,236
مجھے خلا ميں بھٹکنے کي آرزو ہي سہي
کہ تُو مِلے نہ مِلے تيري جستجو ہي سہي
کہ تُو مِلے نہ مِلے تيري جستجو ہي سہي
قريب آ شبِ تنہائي تجھ سے پيار کريں
تمام دن کي تھکن کا علاج تُو ہي سہي
بڑے خلوص سے ملتا ہے جب بھي ملتا ہے
وہ بے وفا تو نہيں ہے بہانہ جُو ہي سہي
مگر وہ اَبر سمندر پہ کيوں برستا ہے؟
زمين بانجھ سہي خاک بے نمُو ہي سہي
تم اپنے داغ سرِ پيرہن کي بات کرو
ہمارا دامنِ صد چاک بے رفو ہي سہي
يہ ناز کم تو نہيں ہے کہ اُن سے مل آئے
وہ ايک پل کو سرِ راہ گفتگو ہي سہي
جو اپنے آپ سے شرمائے کس سے بات کرے ؟
ميں آئينے کي طرح اُس کے رُوبرُو ہي سہي
کسي طرح تو يہ تنہائيوں کي شام کٹے
وصالِ يار نہيں قربتِ عدو ہي سہي
يہ سجدئہ سرِ مقتل کا وقت ہے محسن
خود اپنے خونِ رگِ جاں سے اب وضو ہي سہي