Asad Rehman
Super Star Pakistani
16
- Messages
- 13,866
- Reaction score
- 33,100
- Points
- 1,451
مجھے وہ کنج تنہائی سے آخر کب نکالے گا
اکیلے پن کا یہ احساس مجھ کو مار ڈالے گا
کسی کو کیا پڑی ہے میری خاطر خود کو زحمت دے
پریشاں ہیں سبھی کیسے کوئی مجھ کو سنبھالے گا
ابھی تاریخ نامی ایک جادوگر کو آنا ہے
جو زندہ شہر اور اجسام کو پتھر میں ڈھالے گا
بس اگلے موڑ پر منزل تری آنے ہی والی ہے
مرے اے ہم سفر تو کتنا میرا دکھ بٹا لے گا
شریک رنج کیا کرنا اسے تکلیف کیا دینی
کہ جتنی دیر بیٹھے گا وہی باتیں نکالے گا
رہا کر دے قفس کی قید سے گھایل پرندے کو
کسی کے درد کو اس دل میں کتنے سال پالے گا
اعتبار ساجد
@Recently Active Users
