Ustad
Well-Known Pakistani
4
- Messages
- 133
- Reaction score
- 234
- Points
- 116
Sahilon par udasi rahi
ek nadi phir se pyasi rahi
raat ne nind pahni magar
KHwab ki be-libasi rahi
husn wo khilkhilata raha
ishq par bad-hawasi si rahi
aaj phir kuchh na kah piye hum
aaj phir baat basi rahi
kam na ho lams ki aanch ye
barf bas ab zara si rahi
jism mandir hua so hua
ruh to dew-dasi rahi
maut par kis liye roen hum
zindagi achchhi-KHasi rahi