Ghazal Takra kay vahin TooT gaye sheesha o saaGhar

[ASAD76]

tamhiid-e-sitam aur hai takamiil-e-jafaa aur
chakhnay kaa mazaa aur hai piinay kaa mazaa aur

[tamhiid = beginning; takamiil = completion/fulfilment]

taasiir to taasiir tasavvur hai gurezaaN
raaton ko zaraa maaNgiye uTh uTh kay duaa aur

[taasiir = result/effect; tasavvur = imagination]

[gurezaaN = fleeing]

donon he binaa-e-kashish-o-jazb hain lekin
naGhmon kii sadaa aur hai naalon kii sadaa aur

[binaa-e-kashish-o-jazb = reasons/basis for attraction]
[naalaa = wait/loud cry]

Takraa kay vahiin TuuT gaye shiishaa-o-saaGhar
mai'Khvaaron kay jhurmaT men jo saaqii nay kahaa aur

[jhurmaT = crowd]

vo Khud nazar aatay hain jafaaon pay pashemaaN
kyaa chaahiye aur tum ko "Shakeel" is kay sivaa aur

[jafaa = oppression/injustice; pashemaaN = ashamed]

 

[Veer]

Wah. excellent @ASAD76

@Recently Active Users
@Recently Joined Users