Asad Rehman
Super Star Pakistani
16
- Messages
- 13,866
- Reaction score
- 33,100
- Points
- 1,451
اس کا خیال خواب کے در سے نکل گیا
پھر میں بھی اپنے دیدۂ تر سے نکل گیا
پلکیں بھی بہہ گئیں خس و خاشاک کی طرح
میں اپنے ساحلوں کے اثر سے نکل گیا
تنہائی سے تھی میری ملاقات آخری
رویا اور اس کے بعد میں گھر سے نکل گیا
جب شمع انتظار اٹھا لی منڈیر سے
دست ہوا بھی حلقۂ در سے نکل گیا
رستے میں آنکھ تھی سگ مامور کی طرح
دل میں جو چور تھا وہ کدھر سے نکل گیا
اب لے لے مجھ کو اپنی ہتھیلی کی اوٹ میں
میرا ستارہ برج سفر سے نکل گیا
میرے ہی ساتھ گھر میں نظر بند تھا تو پھر
تیرا خیال کون سے در سے نکل گیا
عباس تابش
پھر میں بھی اپنے دیدۂ تر سے نکل گیا
پلکیں بھی بہہ گئیں خس و خاشاک کی طرح
میں اپنے ساحلوں کے اثر سے نکل گیا
تنہائی سے تھی میری ملاقات آخری
رویا اور اس کے بعد میں گھر سے نکل گیا
جب شمع انتظار اٹھا لی منڈیر سے
دست ہوا بھی حلقۂ در سے نکل گیا
رستے میں آنکھ تھی سگ مامور کی طرح
دل میں جو چور تھا وہ کدھر سے نکل گیا
اب لے لے مجھ کو اپنی ہتھیلی کی اوٹ میں
میرا ستارہ برج سفر سے نکل گیا
میرے ہی ساتھ گھر میں نظر بند تھا تو پھر
تیرا خیال کون سے در سے نکل گیا
عباس تابش