Ghazal Wa'ada Na Sahi Yonhi Chalay Aao Kisi Din By Ehsan Danish

[Asad Rehman]

wa'ada na sahi younhi chalay ao kisi din ​

gesay meray dalaan mein lehrao kisi din ​

​

sun sun k harefon k tarashay hoay ilzam ​

miyar-e-harefaaN pay na aa jao kisi din ​

​

yaro mujhay mazoor , tughafal bhi jafa bhi​

lekin koi us ko tu mana laao kisi din ​

​

kion hm ko smjhta he wo do qalab-e-yak jan​

khush fehm zamnay ko tu samjhao kisi din ​

​

guthi talab-o-tarak ki khulti he rahay gi ​

is uqda-e-hasti ko tu suljhao kisi din ​

​

kuch soch k apas ki shikayat ko barhao ​

duniya mein akelay he na reh jao kisi din ​

​

bekar paray hein nigah-e-shoq k behray​

iss bahr mein tufan bhi lao kisi din ​

​

hein jabke mah-o-mehr-e-ziakhuah tumhe se​

lau meray diye ki bhi tu uksao kisi din ​

​

ye khush jazeeray kahin pathar he ban jain ​

ankhein jo ata ki hein nazar ao kisi din ​

​

Danish he k asha'ar hein Danish he k afkar ​

esa na ho Danish he ko ho jao kisi din ​

​

Ehsan Danish​

 

[Ana Zai]

gud

 

[Asad Rehman]

gud

tks

 

[siha]

very nice....