Ghazal Wo Jo Tere faqeer hotay hain

Discussion in 'Urdu Ghazal, Nazm & Ashaar' at Pakistan.web.pk started by Semmi, Sep 13, 2018.

  1. Semmi
    4

    Semmi Well-Known Pakistani I Love Reading


    وہ جو تیرے فقیر ہوتے ہیں
    آدمی بے نظیر ہوتے ہیں

    دیکھنے والا اک نہیں ملتا
    آنکھ والے کثیر ہوتے ہیں

    جن کو دولت حقیر لگتی ہے
    اف! وہ کتنے امیر ہوتے ہیں

    جن کو قدرت نے حسن بخشا ہو
    قدرتاً کچھ شریر ہوتے ہیں

    زندگی کے حسین ترکش میں
    کتنے بے رحم تیر ہوتے ہیں

    وہ پرندے جو آنکھ رکھتے ہیں
    سب سے پہلے اسیر ہوتے ہیں

    پھول دامن میں چند رکھ لیجے
    راستے میں فقیر ہوتے ہیں

    ہے خوشی بھی عجیب شے لیکن
    غم بڑے دل پذیر ہوتے ہیں

    اے عدمؔ احتیاط لوگوں سے
    لوگ منکر نکیر ہوتے ہیں

    عبد الحمید عدم
     
    Mishaikh likes this.
  2. Semmi
    4

    Semmi Well-Known Pakistani I Love Reading

Loading...