Ghazal Wo jo tery faqeer hoty hain

[Sibgha Ahmad]

Wo Jo Tere Faqeer Hote Hain,
Aadmi Be’nazeer Hote Hain,

Phool daaman main chand rakh lijiye,
Raaste main faqeer hote hain,

Teri mehfil main bethne waley,
Kitne roshan zameer hote hain,

Woh parindey jo aankh rakhte hain,
Sab se pehle aseer hote hain,

Zindagi ke haseen tarkash mein,
Kitne be’reham teer hote hain,

Aye Adam ehtiyaat logon se,
Log munkar nakeer hote hain..​

 

[Sibgha Ahmad]

@Recently Active Users

 

[Asad Rehman]

@Sibgha Ahmad My fav one sis
Log munjar nakeer hotay hein

 

[Asad Rehman]

@Sibgha Ahmad
Behna kafi sher missing hein
Abdalhamid Adam ki lajawab ghazal

 

[Veer]

Tagged with Abdul Hameed Adam Poetry | Pakistan Social Web

 

[Falak]

Zaberdast....

wo jo tere faqir hote hain
aadmi be-nazir hote hain

dekhne wala ek nahin milta
aankh wale kasir hote hain

jin ko daulat haqir lagti hai
uff! wo kitne amir hote hain

jin ko qudrat ne husn baKHsha ho
qudratan kuchh sharir hote hain

zindagi ke hasin tarkash mein
kitne be-rahm tir hote hain

wo parinde jo aankh rakhte hain
sab se pahle asir hote hain

phul daman mein chand rakh lije
raste mein faqir hote hain

hai KHushi bhi ajib shai lekin
gham baDe dil-pazir hote hain

ai 'adam' ehtiyat logon se
log munkir-nakir hote hain

 

[Asad Rehman]

@Falak
Teri mehfil main bethne waley,
Kitne roshan zameer hote hain,

Ye sher km tha

 

[Falak]

@Asad Rehman thanks for adding it

 

[Mishaikh]

dekhne vaalā ik nahīñ miltā
aañkh vaale kasīr hote haiñ
jin ko daulat haqīr lagtī hai
uff! vo kitne amiir hote haiñ
@Sibgha Ahmad
@Recently Active Users

 

[Sibgha Ahmad]

Shukriya @Asad Rehman bhai btany k lye aur Shukriya @Falak sis share krny k lye darasal mujhy itni he mili thi